Edelgard

Mein Buch

    Am 18. Dezember 2007 ist mein schon lange fertig gestelltes Buch verlegt.
    Es trägt den Titel:

       “Wi willen d’ Vereen un School in d’ Dörp laten”.

    Es kostet 19,80 Euro
    und kann unter der Kontaktadresse bestellt werden.
    Außerdem ist es erhältlich über die “Ostfriesischen Nachrichten Aurich, Moordorf und Marienhafe.

    Es handelt sich um ein Buch mit lustigen plattdeutschen Geschichten, die ich selber erlebt, oder Freunde, Kollegen oder Sportkameraden erlebt haben. Es gibt auch Phantasiegeschichten. Alle eignen sich sehr gut zum Vorlesen auf Geburtstagen, Hochzeiten oder auch überall, wo lustigen Menschen zusammenkommen, die den besonderen Reiz des Plattdeutschen schätzen.

     

Woord vörweg

    De grootste Part van mien Vertellsels sünd haast wahre Begevenheten ut de Tied, waar de Schriever lüttje Mester up de Dörpen in Oostfreesland west is En paar Vertellsels sünd ok utdocht un söllen bloot Pläseer maken. Stück of wat Vertellsels hebb ik sülst beleevt, anner Vörfallen sünd mi vertellt worden.

    Anfangen bün ik mit de Skrieveree , as ik pensioneert wurr. Daar hebben en paar van mien Kollegen seggt: „Du, wat du uns in de lesde Jahren vertellt hest, dat musst du upschrieven, dat dürt nich heel verloren gahn.

    Platt hebb ik schreven, umdat de plattdütske Spraak fördert worden mutt un ok, umdat mien Moderspraak plattdütsk is. Ik bün in Dorm(Dornum) up d’ Welt kamen.

    Platt passt ok beter, um dat en heel Koppel von Vertellsels van sünnerbaar, klunterg un butengewohn Mesters un Schoolraten, Buurmesters un Schandarms , Ollen un Schoolkinner vertellen. Denn is dat beter, in Platt to schrieven, umdat de plattdütske Taal nich so unnachsichtig, scharp un eernst klingen deit, as wenn du dat up hochdütsk seggst. Platt hett mehr Insehn, mehr Toleranz un veroordeelt nich so futt.

    „So is he nu mal“, seggt man in de Loogen, ok wenn he Buurmesrter, Naber of Mester is. Platt hett mehr Sachtigheit un gifft ok - wenn sük de een of anner Sak nich hört - Grund för en Smüstern. Up Dörp is man Familie, de Familie prootd platt; all holt tosamen un achtet ok sünnerbar un „skurrile“ Minsken.

     

    Bi de Schoolgeschichten hebb ik ok vertellt, wat för arige „Lernwies“ to de Tieden in Mod weren, wo dat in de Schoolen dotomal togung, wat de „Zeitgeist“ domals weer, waar de Mesters wohnt hebben un wo sük dat Leven ofspölt hett, wenn man Mester , Footballspöler of Famienvader west is.
    De Namen un de Logen hebb ik ofännert, umdat vandaag keeneen insnappt is un mi verklagt.

    En Deel van de Vertellsels sünd ok van Geböhrnissen in mien Familie of van de Misken, de ik kennenleernt hebb bi d` Sport of ut Naberskup, de so in d’ Olldag geböhrt sünd.

    En paar Vertellsels hebb ik mi ok bloot utdocht, man se harren seker nett so
    passeren kunnt un sünd alltied to smüstern. Van disse Vertellsels sünd een of anner wat ruger, un du kannst de meeste Pastorendochters nich daarvan künnig maken.

 

Zurück zur Startseite